Mae sioe gerdd roc a rôl enwog Richard O’Brien, The Rocky Horror Show, sy’n barod i’ch gwefreiddio gyda hwyl ac eiliadau direidus, yn dychwelyd i’r DU yn 2021 fel rhan o daith fyd-eang hynod boblogaidd a welwyd gan dros 30 miliwn o fynychwyr y theatr.
Fe’i cyfarwyddir gan Christopher Luscombe ac mae’n cynnwys y clasuron bythol fel Sweet Transvestite, Damn it Janet, ac wrth gwrs y Time Warp a’i gwthiadau pelfig.
Stori dau berson ifanc diniwed sydd yn y coleg yw The Rocky Horror Show, sef Brad a’i ddyweddi Janet. Pan fydd eu car, drwy ffawd, yn torri i lawr y tu allan i hen blasty arswydus pan fyddant ar eu ffordd i ymweld â’u hen athro coleg, maent yn cwrdd â’r cymeriad carismatig, Dr Frank’n’Furter. Mae’n antur na fyddant byth yn ei hanghofio, yn llawn hwyl, rhialtwch, ffrogiau a gwiriondeb
