Theatr Dylan Thomas, Ardal Forol
Mae Gŵyl Jazz Ryngwladol Abertawe yn cyflwyno Pedwarawd Jazz Sipsiwn Daniel John Martin
Bydd Daniel John Martin, un o feiolinwyr gorau ei genhedlaeth, yn teithio o Baris i ymuno â rhai o gerddorion jazz sipsiwn gorau Llundain i gyflwyno prynhawn o Django Reinhardt, Stephane Grappelli a jazz manouche gwreiddiol o’r radd flaenaf!
Mae ei fedrusrwydd cyffrous ar y bwrdd cribell ynghyd â’i ddengarwch cynnes a’i garisma ar lwyfan yn gwarantu prynhawn bythgofiadwy.
Mae Daniel John Martin yn feiolinydd ac yn lleisydd Eingl-ffrengig byd-enwog. Ac yntau’n un o aelodau prysuraf a mwyaf gwerthfawr byd jazz Paris, fe fu am gryn amser yn feistr y ddefod mewn cyngherddau a sesiynau jamio jazz sipiwn yn “Aux Petits Joueurs”, lle gallwch glywed llawer o chwaraewyr jazz gorau’r byd, sy’n galw heibio’n ddi-daro i chwarae ambell ddarn.
Mae Daniel wedi gweithio ochr yn ochr â llawer o oreuon y byd jazz manouche gan gynnwys Angelo Debarre, Romane, Adrien Moignard a Boulou Ferré.
Ar ôl astudio yn y Conservatoire enwog ym Mharis a theithio a recordio gyda’r diweddar a’r enwog Didier Lockwood, mae wedi rhyddhau sawl albwm llwyddiannus, yn fwyaf diweddar “Parisian Impromptu”, gyda’i ffrind a’i gydweithiwr Mayo Hubert. Mae’r cydweithredu diweddar rhyngddo a chyn-gitarydd Miles Davis, Robben Ford wedi’i ganmol yn fawr!
“Mae Daniel John Martin, feiolinydd dwi wedi cael y pleser o weithio gydag ef ac wedi’i edmygu ers blynyddoedd, yn chwarae’r gerddoriaeth hon yn rhwydd a chydag egni”. – Robben Ford (cyn-gitarydd Miles Davis)
“Gyda Daniel John Martin, mae cytser Manouche yn tyfu.. ac mae’n seren o’r pwysigrwydd mwyaf” – Michael Bedin
“Perfformiwr unigryw a charismatig ac un o feiolinwyr ei genhedlaeth y mae’r mwyaf o alw amdano” – Le Quecumbar (Llundain)
Cyflwynir Gŵyl Jazz Ryngwladol Abertawe gan Gyngor Abertawe ar y cyd â Chlwb Jazz Abertawe.
Archebwch docyn VIP i gael gostyngiad oddi ar holl ddigwyddiadau Gŵyl Jazz Abertawe; £90 ar gyfer y chwe chyngerdd, arbediad o £37, yn ogystal â seddi blaenoriaeth! Mae tocynnau VIP ar gael drwy swyddfa docynnau Theatr y Grand Abertawe, ffoniwch 01792 475715 neu galwch heibio. 5% ffïoedd archebu.
Bydd gwerthiannau dros y ffôn ac ar-lein yn cau am 12pm ar ddiwrnod pob sioe, bydd tocynnau ar gael o hyd wrth y drws os na werthwyd pob tocyn eisoes.
