Mae Llwybr Treftadaeth Pontarddulais yn eich arwain drwy dref fach Gymreig sy’n llawn straeon. Gyda dwy garreg goffa i nodi Terfysgoedd Beca, un ar bob pen y pentref, mae’n cynnwys rhagor o wybodaeth am arwyr y frwydr honno, effaith y dref ar feirdd enwog fel Dylan ac Edward Thomas ac, wrth gwrs, safle Eglwys Teilo Sant o’r 7fed ganrif – a fu fyw yn yr un cyfnod â Dewi Sant ac a allai fod wedi cael ei ddewis i fod yn nawddsant Cymru. Taith gerdded gylchol drwy bentref Pontarddulais yw hon, sy’n cynnwys safle’r eglwys o’r 12fed ganrif, Llandeilo Tal-y-bont.
Graddio’r Daith Gerdded: | Hawdd. |
Math o lwybr: | Cylchol |
Yn addas ar gyfer: | Pawb. |
Natur y tir: | Llwybr cymharol wastad, ar lonydd, traciau a llwybrau yn bennaf. |
Cychwyn a gorffen: | Prif ffordd yr A48 lle mae’n cwrdd â mynedfa gorsaf drenau Pontarddulais ar y bont dros afon Llwchwr. |
Pellter y daith: | Tua 4 milltir (6km). |
Amser cyfartalog: | 2.5 awr. |
Cludiant cyhoeddus: Oes.
Maes parcio: yng ngorsaf drenau Pontarddulais ac yng nghanol y pentref o fewn pellter cerdded byr.
Lluniaeth: Amrywiaeth o gaffis a thafarndai ar hyd y llwybr sy’n darparu lluniaeth.
Toiledau cyhoeddus: Oes, yng nghanol y pentref.
Byddwch yn barod: Mae’n ddoeth gwisgo esgidiau neu fwts cryf a dillad dwrglos.
Mae rhannau o’r daith gerdded yn ymyl glan afon a all fod yn llithrig ar adegau yn dilyn glaw. Mae hefyd yn llanwol a gall y tir ger y fynwent fod yn wlyb iawn weithiau.
Tîm Mynediad i Gefn Gwlad Cyngor Abertawe
# 01792 635746 neu 01792 635230
@ countrysideaccess@swansea.gov.uk
www.abertawe.gov.uk/mynediadcefngwlad
Rhagor o ddolenni
i swanseabaywithoutacar.co.uk
i www.traveline-cymru.org.uk
Gyda bron 400 milltir o hawliau tramwy, mae Bae Abertawe’n cynnig nifer o lwybrau cerdded cofiadwy, o deithiau byr i deuluoedd sy’n mynd heibio nifer o eglwysi a thirnodau bach yn yr ardal, i lwybrau i bobl fwy profiadol, gyda golygfeydd syfrdanol o Benrhyn Gŵyr. Rhagor o wybodaeth: