Marchnadoedd Nadolig Abertawe

Ffair Nadolig Fictoraidd Abertawe

Camwch yn ôl mewn amser yn Ffair Nadolig Fictoraidd Abertawe! Am bedwar diwrnod o ddydd Iau 20 Tachwedd, bydd canol y ddinas yn cael ei drawsnewid yn farchnad Fictoraidd swynol a gynhelir gan siopwyr mewn gwisgoedd a pherfformwyr stryd, lle bydd cyfle i bori drwy anrhegion artisan a blasu danteithion y Nadolig, a bydd canwyr carolau a cherddorion byw yn gefndir i'r cyfan.

Uchafbwyntiau:

• Porwch gasgliad o anrhegion, crefftau a danteithion Nadoligaidd artisan
• Blaswch win y gaeaf, cnau castan rhost a bwyd stryd blasus
• Mwynhewch gerddoriaeth fyw, canwyr carolau a pherfformwyr stryd Fictoraidd

Oriau agor: 

• Dydd Iau, 20 Tachwedd | 12pm – 8pm
• Dydd Gwener 21 Tachwedd - dydd Sul 23 Tachwedd, 10am - 8pm

Ble: Stryd Rhydychen, Princess Way a Portland Street
Gwisgwch ddillad cynnes a mwynhewch ysbryd yr ŵyl yn nigwyddiad Nadolig newydd sbon eleni.

Gŵyl Tân ac Iâ

Peidiwch â cholli'r cyffro wrth i dân ac iâ feddiannu canol y ddinas fel rhan o ddigwyddiad newydd a chyffrous y gaeaf hwn. Dewch i gael eich swyno gan berfformiadau ar thema tân ac iâ, tynnwch luniau hudolus yn y glôb eira enfawr, neu byddwch yn greadigol drwy roi cynnig ar gerfio iâ rhyngweithiol.
Nid dyna'r cyfan, oherwydd bydd naw cerflun iâ unigryw i'w darganfod ar draws y ddinas wrth ymyl rhai tirnodau eiconig. Allwch chi ddod o hyd i bob un?
Pryd: Dydd Sadwrn 6 a dydd Sul 7 Rhagfyr
Oriau agor: 

• Llwybr cerfluniau iâ | 10am – 5pm
• Glôb eira enfawr | 11am – 5pm
• Cerfio iâ rhyngweithiol | 11.30am – 3.30pm
• Sioeau Tân ac Iâ yn St David’s Place | 1.30pm, 3pm, 4.30pm

Ble: St David's Place, Sgwâr y Santes Fair a chanol y ddinas

Hefyd, gallwch fwynhau adloniant byw drwy gydol y dydd yng Nghaban y Carolwyr a noddir gan Costa Coffee, a chadwch lygad am gymeriadau arbennig a pherfformiadau tân o gwmpas Marchnad y Nadolig.

Uchelwydd a Marchnadoedd

Byddwch yn barod i siopa ar y cyd â rhaglen gyffrous o adloniant byw ar draws dau lwyfan bywiog, Caban y Carolwyr, a noddir gan Costa Coffee, a Gardd y Farchnad yng nghanol Marchnad Abertawe. Dewch i gael eich swyno gan yr harmonïau hudolus a'r rhythmau Nadoligaidd, neu beth am ddiddanu'ch rhai bach gyda sioe hud a danteithion melys?
Uchafbwyntiau:

• Bydd cerddoriaeth fyw gan ffefrynnau o'r 1950au fel The Bluebird Belles, caneuon gafaelgar Hot Gin Swing, synau bywiog Eine Kleine Oompah, a mwy!
• Gall y plant bach fwynhau hud a lledrith a miri mawr yng nghwmni Kelly a Debbie, a bydd paentio wynebau ac addurno cwcis yn siŵr o ddifyrru pawb! 
• Dewch i gwrdd â llu o westeion arbennig disglair, gyda chymeriadau atyniadol o'r gorffennol ddydd Sadwrn a chreaduriaid coetirol hynod ddydd Sul. 

Pryd: Dydd Sadwrn 13 a dydd Sul 14 Rhagfyr
Ble: Marchnad Dan Do Abertawe a Marchnad Nadolig Abertawe
Galwch heibio'r marchnadoedd am benwythnos llawn adloniant bywiog ac atgofion arbennig gyda'r teulu.

Marchnad y Nadolig Abertawe

Mae hoff draddodiad siopa Abertawe hyd yn oed yn fwy Nadoligaidd eleni! Yn y cabanau clyd ar hyd Stryd Rhydychen a Portland Street, gallwch ymweld â'r crefftwyr dawnus a'r masnachwyr traddodiadol, dewis yr addurn perffaith ar gyfer eich coeden neu ddod o hyd i'r anrheg berffaith ar gyfer rhywun arbennig. Yn ogystal ag wynebau cyfarwydd, bydd hefyd fasnachwyr newydd gwych yn y Babell Lawen ar 5 a 7 Rhagfyr a 12 a 14 Rhagfyr.
Dewch i gynhesu gyda gwin y gaeaf o'r Bar Alpaidd neu gallwch gael tamaid i'w fwyta gan un o'r masnachwyr bwyd stryd blasus wrth i chi fwynhau cerddoriaeth y perfformwyr yng Nghaban y Carolwyr, a noddir gan Costa Coffee. 
Uchafbwyntiau:

• Masnachwyr, anrhegion, crefftau a danteithion artisan
• Masnachwyr newydd sbon yn y Babell Lawen (amserau cyfyngedig yn unig)
• Y Bar Alpaidd a bwyd stryd blasus
• Cerddoriaeth fyw a chanwyr carolau
• Cyfle i dynnu llun Nadoligaidd gyda'r teulu yng Nghaban y Carolwyr

Pryd: Dydd Sadwrn 29 Tachwedd – Dydd Llun 22 Rhagfyr
Ble: Stryd Rhydychen a Portland Street