Mae Gorymdaith y Nadolig flynyddol am ddim Cyngor Abertawe yn dychwelyd nos Sul yma, 23 Tachwedd o 5pm!

Paratowch at hud Gorymdaith y Nadolig Abertawe lle bydd Siôn Corn yn ymuno â ni i gynnau goleuadau’r Nadolig a chroesawu tymor yr ŵyl i Abertawe.

Felly sut gallwch fwynhau’r sioe i’r eithaf?

  1. Beth fydd yn digwydd?
  2. Beth bydd yna i fy mhlentyn?
  3. Beth fydd y llwybr newydd?
  4. A fydd unrhyw ffyrdd ar gau?
  5. Sut dylem ni gyrraedd yno? Beth am y traffig a’r parcio?
  6. Beth am y safleoedd Parcio a Theithio?
  7. Hygyrchedd

Beth fydd yn digwydd?

Yn ôl i frig y rhestr

Bydd Gorymdaith y Nadolig Abertawe yn dechrau am 5pm nos Sul 23 Tachwedd.

Bydd bandiau gorymdeithio, cerbydau sioe lliwgar, cymeriadau ffilmiau Nadoligaidd, offer chwyddadwy’r Nadolig, cymeriadau sy’n goleuo ac wrth gwrs Siôn Corn yn ei sled!

Beth bydd yna i fy mhlentyn?

Yn ôl i frig y rhestr

Bydd yr orymdaith yn cynnwys sawl fflôt, gan gynnwys cerbyd hudolus, fflôt dyn bach sinsir yn ogystal ag ymddangosiad gwych gan wrachod Oz a fydd yn sicr o fod yn boblogaidd.

Yn ymuno â ni fydd diddanwyr proffesiynol gan gynnwys Spark! y band sy'n disgleirio, Adar Gaeafol ac, yn newydd ar gyfer 2025, Glôb Eira Byw, glôb eira rhyngweithiol sy'n cynnwys Brenhines yr Eira mewn glôb gaeafol.
Gyda thros 40 o grwpiau cymunedol yn cymryd rhan, gan gynnwys Celfyddydau Theatr Mellin, Drymwyr One Heart a Menter Chwarae Plant Bôn-y-maen, mae'r orymdaith yn sicr yn ddathliad o'r ysbryd cymunedol yn Abertawe.
Bydd Trên Bach y Nadolig hefyd yn ymddangos gyda chefnogaeth Y Cynnig Gofal Plant i Gymru.

Mae dau lwyfan adloniant ar lwybr yr orymdaith, un yn Neuadd y Ddinas ac un arall yng Ngwesty'r Dragon, gyda chefnogaeth Specsavers Abertawe a'r Mwmbwls. Gyda pherfformwyr proffesiynol a gwesteion annisgwyl, ni fyddwch am golli'r hwyl. O'r llwyfan bydd Siôn Corn yn goleuo Neuadd y Ddinas a chanol y ddinas ac yn dechrau arddangosfeydd tân gwyllt arbennig.

Dewch i ymweld â'r tîm Joio yn Neuadd y Ddinas a Gwesty'r Dragon i gael het Siôn Corn i'ch plant o 4 pm (wrth i stoc fod ar gael - plant yn unig ac mae'n rhaid iddynt fod yn bresennol i'w casglu). Yn Neuadd y Ddinas gallwch hefyd gael llun am ddim ym mwth lluniau'r tîm Joio.

Beth fydd y llwybr newydd?

Yn ôl i frig y rhestr

Bydd llwybr NEWYDD yr orymdaith eleni’n dechrau o Neuadd y Ddinas am 5pm, lle bydd Siôn Corn yn goleuo'r adeilad yn goch. Dilynir hynny gan dân gwyllt i nodi dechrau'r orymdaith, a fydd yn teithio ar hyd St Helen’s Road drwy Ffordd y Brenin, i Westy'r Dragon lle bydd Siôn Corn yn goleuo'r goeden ac yn dechrau arddangosiad tân gwyllt arall, ar draws College Street, ar hyd Castle Street a Caer Street, ac yn gorffen ar Princess Way, gan gynnig golygfeydd a phrofiadau o fannau newydd i deuluoedd ledled y ddinas.

Mae'r llwybr newydd eleni yn cynnig nifer o gyfleoedd gwylio newydd:

  • Beth am barcio yn y Rec a gwylio dechrau'r orymdaith yn Neuadd y Ddinas, lle bydd Siôn Corn yn goleuo'r adeilad gydag arddangosfa tân gwyllt
  • Mae St Helens Road yn debygol o fod ychydig yn dawelach i'r rhai sydd am osgoi prysurdeb canol y ddinas
  • Fel arall, gallwch osgoi'r trefniadau cau ffyrdd yn llwyr a pharcio yn y Ganolfan Ddinesig
  • Paxton Street

Llwybr Newydd

A fydd unrhyw ffyrdd ar gau?

Yn ôl i frig y rhestr

Er mwyn cynnal yr orymdaith yn ddiogel, bydd nifer o ffyrdd ar gau ar noson y digwyddiad. Lle y bo’n bosib, cânt eu cau ar raglen dreigl. Bydd mynediad i wasanaethau brys ar bob adeg. Bydd arwyddion dargyfeirio yn cael eu gosod i gynorthwyo llif y traffig yn yr ardal ond mae disgwyl y bydd yn brysur iawn, yn enwedig ar yr adegau pan fydd yr orymdaith yn teithio drwy'r ddinas.

Mwy o wybodaeth Cae Ffyrdd

Sut dylem ni gyrraedd yno? Beth am y traffig a’r parcio?

Yn ôl i frig y rhestr

Oherwydd yr orymdaith, disgwylir i ganol y ddinas fod yn brysur iawn yn ystod y prynhawn a thrwy gydol y digwyddiad - sicrhewch eich bod yn cynllunio'ch trefniadau teithio yn briodol ac yn caniatáu digon o amser i gyrraedd er mwyn gweld llwybr yr orymdaith. 

Mae gorymdaith eleni'n dechrau am 5pm a disgwylir iddi orffen am oddeutu 6.30pm ar ddiwedd Princess Way. 

Mae gan ganol y ddinas nifer o feysydd parcio’r cyngor  – gallwch weld rhestr lawn o’ rhain, gan gynnwys eu lleoliadau a’u codau post, yn abertawe.gov.uk/meysyddparcio.

  • Maes parcio Dwyrain Stryd y Parc SA1 3DJ
  • Maes Parcio Gorllewin Stryd y Parc SA1 3DF
  • Maes Parcio Stryd Pell SA1 3ES
  • Maes Parcio Stryd Rhydychen SA1 3AZ
  • Maes Parcio Maes Caerwrangon SA1 1HY
  • Maes Parcio Quadrant (SA1 3QR)
  • Maes Parcio Bae Copr Bay De (Arena) (SA1 3BX)
  • Maes Parcio Lôn Northampton (SA1 4EW)
  • Maes Parcio Stry Paxton (SA1 3SA)

NEWYDD AR GYFER 2025

  • Maes Parcio Heol East Burrows (SA1 1RR)
  • Maes Parcio'r Rec (SA2 0AT) - £5
  • Maes Parcio Dwyreiniol y Ganolfan Ddinesig i ymwelwyr (SA1 3SN)
  • Maes Parcio Gorllewin y Ganolfan Ddinesig i ymwelwyr (SA1 3SN) - £5

Os ydych yn bwriadu parcio yng nghanol y ddinas ar gyfer yr orymdaith, byddwch yn ymwybodol y gall fod peth oedi wrth adael y meysydd parcio wrth i ni aros i’r orymdaith basio’n ddiogel. Diolch am eich amynedd.

Cyrraedd ar fws

Gallwch deithio ar y bws am ddim gyda chynnig Nadoligaidd – wedi’u hymestyn tan 9pm ar gyfer yr orymdaith yn unig! Bysus Am Ddim Abertawe! Mae rhagor o wybodaeth ar gael ar-lein.

Mwy o wybodaeth Parcio a Theithio 

Beth am y safleoedd Parcio a Theithio?

Yn ôl i frig y rhestr

Yn anffodus does dim parcio a theithio ar gael.
 

Beth am ddychwelyd adref wedyn?

Oherwydd y nifer mawr o gerbydau sy’n debygol o fod yn gadael yr ardal o fewn amser byr, disgwylir i’r traffig fod yn drwm ar ddiwedd y digwyddiad, felly byddwch yn amyneddgar.

Hygyrchedd

Yn ôl i frig y rhestr

Bydd synau uchel, goleuadau’n fflachio ac effeithiau arbennig drwy gydol yr orymdaith – os oes angen rhywle mwy tawel arnoch i fwynhau’r orymdaith, bydd y rhan dawelaf tua hanner ffordd ar hyd St Helen’s Road. Sylwer bod natur yr orymdaith yn golygu y bydd sŵn a goleuadau drwy gydol y digwyddiad. Os oes gennych unrhyw bryderon ac rydych am eu trafod ymhellach, ffoniwch ni ar 01792 635428. Bydd ardal wylio hygyrch ar gael ar ran isaf Ffordd y Brenin (pen St Helen’s Road) a yn Neuadd y Ddinas.

Does dim angen cadw lle, dewch ar y noson. Toiledau hygyrch a nifer cyfyngedig o seddi ar gael hefyd yn yr ardaloedd gwylio.

Hoffem ddiolch yn fawr i’r

Cefnogir y prif lwyfan gan Specsavers Abertawe a'r Mwmbwls

Specsavers Swansea and Mumbles

Mae Specsavers Abertawe a'r Mwmbwls yn falch o wasanaethu eu cymunedau lleol drwy gynnig gwasanaethau gofal llygaid ac awdioleg arbenigol. Mae'r practis yn Abertawe wedi bod yn rhan ddibynadwy o'r ddinas ers dros 40 mlynedd, gan gynnig cefnogaeth broffesiynol a gofal wedi'i bersonoli i genedlaethau o deuluoedd.

Ym mis Tachwedd 2023, agorwyd cangen Specsavers yn y Mwmbwls, sy'n cynnig yr un gwasanaeth o safon i breswylwyr y pentref arfordirol bywiog hwn. Mae'r ddau bractis yn ymroddedig i newid bywydau drwy wella golwg a chlyw pobl, gan sicrhau bod pob cwsmer yn derbyn archwiliadau llygaid trylwyr, asesiadau clyw a mynediad at y dechnoleg optegol a chlyw ddiweddaraf. P'un a ydych yn trefnu apwyntiad arferol neu am gael cyngor wedi'i deilwra, mae'r timau yn Abertawe a'r Mwmbwls yma i'ch helpu.

Gyda ffocws ar ansawdd, hygyrchedd, a gofal yn y gymuned, mae Specsavers yn parhau i fod yn enw dibynadwy mewn iechyd lleol. Mae eich golwg a'ch clyw yn bwysig - ac yn Specsavers, byddwch mewn dwylo diogel.

 

Cynnig Gofal Plant i Gymru am gefnogi Trên Bach y Nadolig
Childcare offer sponsor

Y Cynnig Gofal Plant i Gymru: Help gyda chostau gofal plant i rieni cymwys â phlant 3 i 4 oed.
Oes angen help arnoch gyda chostau gofal plant? Dan y Cynnig Gofal Plant i Gymru, gallech hawlio hyd at 30 awr o addysg gynnar a gofal plant yr wythnos, am hyd at 48 wythnos y flwyddyn. Mae’r cynllun gofal plant hwn a ariennir gan y llywodraeth yn ceisio lleihau’r baich o dalu costau gofal plant fel y gallwch wario’r arian rydych wedi’i gynilo ar y pethau sydd bwysicaf i’ch teulu. Mae’r cynnig eisoes wedi helpu rhieni ledled Cymru i ddychwelyd i’r gwaith, cynyddu eu horiau neu weithio’n fwy hyblyg. Os ydych yn chwilio am swydd neu’n ystyried dychwelyd i fyd addysg neu hyfforddiant, ond rydych yn pryderu am gostau gofal plant, gallai’r cymorth hwn wneud byd o wahaniaeth. Peidiwch â cholli allan ar eich cyfran chi o’r cyllid gofal plant hwn. Gwnewch gais nawr i dderbyn gofal plant a ariennir.
 

Day’s Rental a Day’s Motor Group am ddarparu’r cerbyd cymorth

Days Rental logo

 

Days Motor Group

 

Bassetts Jeep Swansea am ddarparodd car yr Arglwydd Faer.
Bassetts Jeep logo