Ewch allan i fwynhau mis Chwefror ym Mae Abertawe!

Croeso - Dewch i ddathlu popeth Cymreig yn Abertawe! 

Bydd Croeso, dathliad cyffrous Abertawe o bopeth Cymreig, yn dychwelyd i ganol y ddinas ar benwythnos Dydd Gŵyl Dewi!
Bydd yr ŵyl eleni, mewn cydweithrediad â Shirgar, yn arddangos y gorau o ddiwylliant lleol Cymru, gan gynnwys:
 

•  Bydd arddangosiadau coginio gan rai o'r pen-cogyddion gorau yng Nghymru fel yr arbenigwyr barbeciw a'r personoliaethau teledu o Hang Fire, Sam a Shauna a'r Prif Ben-gogydd James Freeman o'r Beach House yn Oxwich sydd wedi ennill seren Michelin. 

• Cerddoriaeth fyw gan gynnwys perfformiadau gan y rapiwr o ogledd Cymru, Sage Todz, Band Pres Llareggub a King Goon o Abertawe! 

• Newydd ar gyfer 2026 – Pabell Pawb a Phopeth! Bydd yn cynnwys popeth o farddoniaeth i ffasiwn Cymreig arloesol o Wythnos Ffasiwn Llundain. Hefyd, bydd sesiwn holi ac ateb fyw gyda chystadleuwyr Cymreig o The Traitors ar y BBC.. 

• Llwybr i blant a chymeriadau'n crwydro

• Gorymdaith Dydd Gŵyl Dewi.  

• Bydd masnachwyr Cymreig yn cynnig anrhegion arbennig, bwyd stryd a mwy!  

Pryd: dydd Sadwrn 28 Chwefror – dydd Sul 1 Mawrth 2026
Ble: Stryd Rhydychen, Portland Street, Princess Way ac Union Street.

Nightworks x Croeso

Mae Croeso x Nightworks yn cyflwyno rhaglen fywiog o gigs dwyieithog am ddim mewn lleoliadau cerddoriaeth llawr gwlad y ddinas ar benwythnos Dydd Gŵyl Dewi.

Gyda rhestr o berfformwyr sy'n cynnwys sawl genre gan gynnwys y cyfnod ôl-pync, cerddoriaeth werin alawol a cherddoriaeth bop theatrig, mae'r prif berfformwyr eleni yn cynnwys:

• Slate, adroddwyr straeon y cyfnod ôl-pync o Gaerdydd
• HMS Morris, band sy'n perfformio cyfuniad o gerddoriaeth bop, celf, naws theatraidd ac archwiliad di-ofn.
• Tw*t Union, grŵp o berfformwyr pync comedi ffeministaidd â chwe aelod.
• Bydd Gwilym Bowen Rhys yn cyflwyno sioe unigol arbennig ar Ddydd Gŵyl Dewi.

Yn ogystal â rhagor o berfformwyr arbennig eraill!
Archebwch eich tocynnau am ddim: 

• 27 Chwefror: Slate + Los Blancos + Vain + Pypi Slysh – The Bunk House
• 28 Chwefror: Tw*t Union + HMS Morris + The Nanaz + Flatcat – Elysium
• 1 Mawrth: Gwilym Bowen Rhys + Llio Heledd - Tŷ Tawe - Pob tocyn wedi'i werthu! Ymunwch â’r rhestr aros

Cyflwynir rhaglen adloniant Croeso mewn partneriaeth â Menter Iaith Abertawe, menter Gymraeg Abertawe.

Ariennir elfennau marchnata ar gyfer y digwyddiad hwn gan Gronfa Ffyniant Gyffredin Llywodraeth y DU.

Cyngerdd Gerddoriaeth i Lansio Hanes Pobl Dduon Cymru 365 yn Abertawe

Arena Abertawe

Dydd Iau 12 Chwefror | 10:00 i 14:30

Dewch i ddathlu lansiad Hanes Pobl Dduon Cymru 365 yn Abertawe gyda chyngerdd gerddoriaeth fythgofiadwy yn Arena Swansea Building Society.
Bydd yr arddangosiad diwylliannol hwn yn cyflwyno artistiaid, cerddorion a pherfformwyr arbennig sy'n cynrychioli cymunedau Pobl Ddu, Asiaidd a Lleiafrifoedd Ethnig yng Nghymru. Gallwch ddisgwyl diwrnod llawn cerddoriaeth fyw, ysbryd cymuned a dathliad o dreftadaeth.

Bydd perfformiadau gan:

• Ify Iwobi a'i band
• Keith Murrell a'i fand
• Leila McKenzie
• Lokibambino
• Amari
• Morakai
• DJ Timi

Ymunwch â ni am brynhawn ysbrydoledig a fydd yn tynnu sylw at greadigrwydd, undod a chyfoeth yr amrywiaeth ddiwylliannol yng Nghymru.

Dewch i fwynhau rhywbeth newydd yn Oriel Gelf Glynn Vivian! 

Ydych chi’n chwilio am brofiad newydd? Ewch i Oriel Gelf Glynn Vivian ar 12 Chwefror am noson o gerddoriaeth fyw, sain a pherfformiad arbrofol wrth i Hotel Et Al gyflwyno gwaith newydd sbon sydd wedi'i ysbrydoli gan arddangosfeydd diweddaraf yr oriel.

Gyda'r nos fydd Hotel et Al, partneriaeth weledigaethol Richard James (Gorky's Zygotic Mynci) ac Angharad Van Rijswijk yn cyflwyno cyfansoddiad cyffrous newydd sydd wedi'i ysbrydoli gan arddangosfa arobryn Kameelah Janan Rasheed, Artes Mundi 11, a'r sioe gyffroes sy'n herio genres, Linder: Danger Came Smiling, sy'n cael ei harddangos yn yr oriel ar hyn o bryd.

Bydd y gwesteion arbennig Anushiye Yarnell, artist perfformio rhyngddisgyblaethol sy'n enwog am waith ymgolledig a arweinir gan symudiadau, a Rhodri Davies, telynor a chyfansoddwr arbrofol o fri hefyd yn ymuno â nhw.

Bydd ras 10k Bae Abertawe'n dychwelyd ar 20 Medi

P'un a ydych chi'n anelu am amser personol gorau newydd neu'n rhedeg ras 10k am y tro cyntaf, mae ras 10k Bae Abertawe'n cynnig cyfuniad perffaith o her ac ysbrydoliaeth. Mae'r llwybr cyflym, gwastad ar hyd y bae yn ddelfrydol ar gyfer rhedwyr ar bob lefel ac mae'r awyrgylch yn gyffrous o'r dechrau i'r diwedd.

Cewch eich cefnogi gan dorf arbennig a byddwch yn croesi'r llinell derfyn gydag awel y môr y tu ôl i chi. Mae'n ddiwrnod sy'n aros yn eich cof am gyfnod hir ar ôl i chi dynnu'r esgidiau rhedeg.

Cadwch eich lle, penderfynwch ar eich nod ac ymunwch â ni ar 20 Medi.

Mae Gŵyl Tawe 2026, penwythnos mawr diwylliant Cymraeg Abertawe'n dychwelyd! 

Bydd Gŵyl Tawe yn dychwelyd i Abertawe ar 5 a 6 Mehefin gyda'r penwythnos mwyaf o ddigwyddiadau cerddoriaeth, celf a chymunedol Cymraeg.

Bydd The Joy Formidable yn dechrau'r digwyddiad ar nos Wener yn The Bunkhouse gan gyflwyno perfformiad cyffrous. Bydd Breichiau Hir, Pat Morgan, a Crinc yn ymuno â nhw ar gyfer gig agoriadol ni ddylech ei cholli.

Ddydd Sadwrn fydd Amgueddfa Genedlaethol y Glannau yn cynnal diwrnod llawn adloniant am ddim. Uchafbwynt y noson fydd yr artist arobryn, Gwenno, gyda pherfformiadau gan Melin Melyn, Mellt, Candelas, Cerys Hafana, Carwyn Ellis a Rio 18, gyda llawer mwy yn perfformio ar lwyfannau dan do ac awyr agored.

Eleni byddwn hefyd yn cyflwyno elfennau cymunedol newydd cyffrous, gan gynnwys gweithdai ieuenctid, côr cymunedol newydd dan arweiniad Ify Iwobi, a llwyfan newydd ar gyfer ysgolion lleol ac artistiaid newydd.

Cymerwch gip ar ein gwefan i gael rhagor o fanylion. Byddwn yn cyhoeddi'r rhestr berfformio lawn yn fuan. Cofiwch brynu eich tocynnau ar gyfer y gig agoriadol ar y nos Wener, ni fyddwch am ei cholli!

Gwersyll Hanner Tymor Chwaraeon ac Iechyd 

Mae'r gwersyll Chwaraeon ac Iechyd Us Girls yng nghanolfan hamdden Pen-lan yn ddiwrnod llawn cyffro, egni a gweithgarwch. Gall merched fwynhau amrywiaeth o weithgareddau, o gymnasteg a phêl-osgoi i nofio ac aml-chwaraeon!

Pryd: 10am - 3pm, dydd Mawrth 17 Chwefror
Ble: Canolfan Hamdden Pen-lan

Y gost ar gyfer y gwersyll hanner tymor hwn yw £7.50 y plentyn ac mae lleoedd yn llenwi'n gyflym felly rhaid cadw lle.

Cadwch le nawr drwy ffonio Canolfan Hamdden Pen-lan ar 01792 588079.

Ewch allan i'r awyr agored yr hanner tymor hwn! 

Gallwch archwilio bron i 400 o filltiroedd o hawliau tramwy ac mae Bae Abertawe yn cynnig llawer o lwybrau cerdded cofiadwy ar hyd yr arfordir a thrwy goetiroedd.

Sioe Awyr Cymru yn dychwelyd ddydd Sadwrn 26 a dydd Sul 27 Gorffennaf

Nodwch y dyddiad ar gyfer digwyddiad am ddim fwyaf y flwyddyn yng Nghymru! Dechreuad gwych i wyliau haf yr ysgol gyda digon o atyniadau newydd yn barod i'ch syfrdanu yn 2026. 

Oes gennych ffrindiau neu deuluoedd yn dod i aros gyda chi?

Ewch i croesobaeabertawe.com i ddarganfod pethau i'w gwneud, lleoedd i fwyta a digwyddiadau ym Mae Abertawe, y Mwmbwls a phenrhyn Gŵyr.