Bob dydd Sul am weddill Gorffennaf ac Awst (ac ar ddydd Llun Gŵyl y Banc) gallwch ddal y bws i lawr i Fae Porth Einon sy’n addas i deuluoedd a Bae Rhosili – sy’n fyd-enwog am ei olygfeydd anhygoel a Phen Pyrod eiconig.
Mae gwasanaethau bysus eraill hefyd wedi’u cynnwys yn y cynnig haf hwn gan Gyngor Abertawe – gallwch deithio am ddim ar y bws ar ddydd Gwener, dydd Sadwrn, dydd Sul a dydd Llun! Gallwch gael rhagor o wybodaeth am y cynnig yma.
Does dim byd gwell na dydd Sul tawel ar y traeth neu fynd am dro braf ar hyd ein harfordir gwych ar Lwybr Arfordir Gŵyr.
Yr haf hwn gallwch adael y car gartref neu yn eich llety gwyliau a dechrau ymlacio o ddechrau eich taith – byddwch hefyd yn teithio mewn ffordd fwy cynaliadwy – gan leihau eich ôl troed carbon!
Does dim angen poeni am yrru a pharcio, ymlaciwch a mwynhewch y golygfeydd (mae uchder y bws yn golygu y byddwch chi’n gallu gweld dros y gwrychoedd a mwynhau’r olygfa!) – a chyda chwe gwasanaeth dychwelyd mewn un diwrnod, mae digon o amser i fwynhau pryd o fwyd yno!
Llwybr Arfordir Gŵyr Bwyta mas ym Mhenrhyn Gŵyr
Ydych chi’n chwilio am ragor o wybodaeth am wasanaethau yn ystod yr wythnos i Benrhyn Gŵyr, y Mwmbwls ac Abertawe? Gall ‘Bae Abertawe Heb Gar’ eich helpu! Mae ganddynt hefyd gynllunydd llwybrau defnyddiol ac amserlenni i’w lawrlwytho.
