Byddwch yn barod am ŵyl Croeso 2026 Dathliad mawr, disglair Dydd Gŵyl Dewi yng nghanol dinas Abertawe!
28 Chwefror - 1 Mawrth
Mae gŵyl Croeso'n dychwelyd, mewn cydweithrediad â menyn Shirgar, ac mae'n fwy ac yn fwy disglair nag erioed o'r blaen ac yn barod i lenwi canol dinas Abertawe gyda cherddoriaeth, bwyd, diwylliant a chreadigrwydd.
Cynhelir yr ŵyl ddydd Sadwrn 28 Chwefror a dydd Sul 1 Mawrth, ar hyd Stryd Rhydychen, Portland Street a Princess Way. Mae'r digwyddiad rhad ac am ddim hwn yn cynnwys rhaglen gyffrous sy'n llawn cerddoriaeth fyw, arddangosiadau coginio, celfyddydau a diwylliant, gweithdai a sgyrsiau gan bobl o'r byd chwaraeon a'r teledu, a llawer mwy!
Adloniant ar y Prif Lwyfan Drwy'r Dydd
Rhwng 10am a 6pm, bydd gŵyl Croeso'n llenwi'r strydoedd â pherfformiadau byw. Gallwch ddisgwyl corau Cymreig, bandiau lleol cyffrous a pherfformwyr Cymreig eithriadol gan gynnwys Band Pres Llareggub, sesiwn adrodd stori Cymraeg gyda Lowri Siôn, a'r rapiwr o ogledd Cymru, Sage Todz. Noddir Gweithgareddau Cymraeg i Blant ar y Llwyfan gan Dîm Comisiynu'r Blynyddoedd Cynnar.
Croeso x Nightworks
Mae Croeso x Nightworks yn cynnig rhaglen o berfformiadau dwyieithog bywiog am ddim ar draws lleoliadau llawr gwlad y ddinas. Archebwch eich tocynnau am ddim ar gyfer Croeso x Nightworks:
27 Chwefror: Slate + Los Blancos + Vain + Pypi Slysh - The Bunk House
28 Chwefror: Tw*t Union + HMS Morris + The Nanaz + Flatcat - Elysium
28 Chwefror: Robin Morgan: yn Fyw - Amgueddfa Genedlaethol y Glannau
1 Mawrth: Gwilym Bowen Rhys + Llio Heledd - Tŷ Tawe - Pob tocyn wedi'i werthu! Ymunwch â'r rhestr aros.
Bwyd Blasus ac Arddangosiadau Coginio Cyffrous
Caiff blasau Cymreig eu harddangos ar y llwyfan gydag arddangosiadau coginio byw gan ben-cogyddion enwog o Gymru. Gallwch fwynhau sesiynau cyffrous gan enillydd Great British Bake Off 2024, Georgie Grasso, Jonathan Woolway o The Shed a enwyd yn ddiweddar fel un o'r 100 o fwytai gorau yn y DU ac Alun Wyn Jones, a gyrhaeddodd rownd derfynol Celebrity MasterChef, gydag arogleuon i dynnu dŵr o'ch dannedd yn llenwi canol y ddinas drwy gydol y dydd.
Dewch i Fwynhau'r Babell Ddiwylliant
Yn newydd sbon ar gyfer 2026, bydd Pabell Pawb a Phopeth yn cyfuno creadigrwydd, celfyddydau a diwylliant Cymru. Gallwch ddisgwyl popeth o farddoniaeth gyda Patrick Jones a mewnwelediadau i ffasiwn Cymreig arloesol o Wythnos Ffasiwn Llundain gyda Cambrensis, i sesiwn holi ac ateb gyda sêr The Traitors o Gymru. Noddir Gweithgareddau Cymraeg i Blant yn y Babell Pawb a Phopeth gan ddarpariaeth Dechrau'n Deg.
Hwyl i'r Teulu Cyfan
Mae gan ŵyl Croeso weithgareddau cyffrous i bobl o bob oedran. Gall ein hymwelwyr iau fod yn greadigol gyda sesiynau crefft a mwynhau diddanwyr sy'n cerdded o gwmpas y lle (gyda chefnogaeth Nathanial Cars).
Gallwch ennill bag rhoddion trwy ddilyn y llwybr i blant drwy'r ŵyl (gyda chefnogaeth y Cynnig Gofal Plant i Gymru). Casglwch eich map o'r llwybr rhwng 10:00 a 15:30 o stondin Joio Bae Abertawe!
Peidiwch â Cholli Gorymdaith Dydd Gŵyl Dewi
Un o ddigwyddiadau mwyaf bywiog y penwythnos yw'r orymdaith liwgar a fydd yn llenwi'r strydoedd gyda baneri Cymru, gwisgoedd, cerddoriaeth ac ysbryd cymuned. Bydd yr orymdaith yn dechrau o'r prif lwyfan am 14:00 ar 1 Mawrth (Dydd Gŵyl Dewi). Ymunwch â ni!
Marchnadoedd Llawn Gwneuthurwyr o Gymru
Gallwch ymweld â'r crefftwyr talentog a'r masnachwyr Cymreig sy'n cynnig popeth o emwaith gwydr môr lleol i lyfrau dwyieithog. Gallwch siopa ym marchnad bwyd yr ŵyl sy'n cynnig cawsiau o Gymru, teisennau a siytni artisan neu brynu rhywbeth i'w fwyta o un o'r masnachwyr bwyd stryd blasus.
Croeso Cynnes, Dwyieithog
Mae gŵyl Croeso'n croesawu'r Gymraeg a gallwch ddisgwyl digon o gyfleoedd i ddweud "Shwmae!" wrth berfformwyr cyfeillgar a deiliaid stondinau yn ystod y penwythnos.
Rydym yn edrych ymlaen yn fawr at eich gweld chi yno!
Pryd: Dydd Sadwrn 28 Chwefror - dydd Sul 1 Mawrth
Amser: 10:00 - 18:00
Ble: Stryd Rhydychen, Portland Street ac Princess Way
Pris: Am ddim!
