Mae’r 1af o Fai wedi cyrraedd, mae’r gwanwyn yn ei anterth ac mae hwyliau pobl yn dechrau codi wrth i ni ddychwelyd i’r ‘normal newydd’ a nawr gallwn gwrdd â mwy o bobl; dyma’r cyfle perffaith i gwrdd â ffrindiau newydd ac anwyliaid i fynd am dro hyfryd a gwneud yn fawr o ‘Fis Cenedlaethol Cerdded’ fis Mai.
Beth bynnag yw’ch oedran, eich gallu, lefel eich ffitrwydd neu’ch diben, mae llawer o droeon gwych i chi eu mwynhau! Boed hynny’n gerdded drwy ein parciau a’n gerddi, coetiroedd, o gwmpas yr arfordir neu ar hyd dir fferm, cerdded yw un o’r ffyrdd gorau o ddarganfod harddwch Bae Abertawe.
P’un a yw’n well gennych gerdded ar hyd promenadau gwastad a pharcdiroedd neu fynd ar grwydr mwy egnïol dros draethau, gweundiroedd a thrwy goetiroedd hynafol, mae digon o ddewis gyda’r holl olygfeydd godidog sydd gan Abertawe i’w cynnig.
Darllenwch ragor i gael eich ysbrydoli, a rhowch wybod i ni i ble y byddwch yn mynd i gerdded ym mis Mai…
Os ydych chi’n chwilio am deithiau cerdded yng nghefn gwlad, mae llawer o deithiau cerdded ar hyd yr arfordir, lle mae’r llwybrau’n amlygu ardaloedd gwledig gorau ein sir – gallwch weld rhai llwybrau yma Abertawe – Teithiau cerdded yng nghefn gwlad. Gallwch hefyd lawrlwytho PDFs neu eu hargraffu ar gyfer eich taith gerdded.
Efallai nad ydych am gerdded yng nghefn gwlad neu nid yw’n hygyrch i chi- neu efallai eich bod chi am ddarganfod ardal newydd. Mae ein harweiniad Abertawe – teithiau cerdded trefol yn lle da i ddechrau. O daith gerdded fer o gwmpas Llyn y Fendrod neu Ben-clawdd i Erddi Clun a Pharc Singleton.
Mae Llwybr Arfordir Gŵyr mewn mannau yn fwy hygyrch yn awr nag yr oedd o’r blaen i gadeiriau gwthio a chadeiriau olwyn oherwydd gwelliannau diweddar, sy’n golygu y gall mwy ohonom fwynhau’r arfordir hardd, o draethau euraidd a chlogwyni syfrdanol i forfeydd heli a thwyni tywod. Yn gartref i 400 milltir o hawliau tramwy, mae rhywbeth at ddant pawb.
Pa lwybr y byddwch chi’n ei ddewis? Efallai y byddwch am fynd o Benmaen i Fae y Tri Chlogwyn, o Rosili i Fae Mewslade neu efallai o Langland i Caswell? Gallwch weld y llwybrau yma!