… ’dyn ni wedi ffarwelio â storm Francis, a rhaid croesi’n bysedd am ddydd Sadwrn, dydd Sul a dydd Llun heulog! Ddim yn siŵr beth i’w wneud gyda’r amser ychwanegol hynny? Byddwch yn barod am lu o syniadau gŵyl y banc.
Mae digon o bethau i ddewis ohonyn nhw, boed law neu hindda. Hyd yn oed os yw’n boeth ac yn heulog, gallwch wlychu o hyd – beth am rywfaint o syrffio neu badlfyrddio ar eich traed neu gaiacio yn ein dyfroedd glas, clir?
Mae pwll sblasio Lido Blackpill ar gael i’r rhai bach ac mae pawb yn dwlu ar rownd o golff gwallgof (ym Mharc Singleton a Gerddi Southend yn y Mwmbwls).
Am fod dan do? Dim problem. Daw Plantasia â’r trofannau i Abertawe gyda phlanhigion, anifeiliaid a thrychfilod egsotig – yr union beth ar gyfer eich Chris Packham neu Michaela Strachan ifanc! Mae arddangosion rhyngweithiol ar gael yn Amgueddfa Genedlaethol y Glannau i ddifyrru dwylo a meddyliau prysur neu cydiwch mewn raced yn yr LC a chael gêm o badminton neu denis bwrdd.
Mae arddangosion rhyngweithiol ar gael yn Amgueddfa Genedlaethol y Glannau i ddifyrru dwylo a meddyliau prysur neu cydiwch mewn raced yn yr LC a chael gêm o badminton neu denis bwrdd. Mae digon o ardaloedd gwledig ac arfordirol i gerdded ynddynt, tynnu lluniau ohonynt neu eistedd ac ymlacio ynddynt!
Mae harddwch Gŵyr yn enwog ac felly hefyd y safleoedd treftadaeth niferus sy’n britho’r dirwedd. Archwiliwch safleoedd claddu, adfeilion cestyll a meini hirion a chymerwch gam yn ôl o brysurdeb bywyd bob dydd.
Mae Coed Cwm Penllergaer yn em arall i’w archwilio lle gallwch gerdded trwy’r coetir a heibio i raeadrau, ac mae Cronfa Ddŵr Lliw yn Abertawe wledig yn lle hyfryd diarffordd arall.
Mae’n benwythnos Gŵyl y Banc ac mae’n bryd i chi fwynhau rhywbeth blasus i’w fwyta. Mae caffis a bwytai yn barod i archebu bwrdd ar eich cyfer a derbyn eich archeb – ond peidiwch ag oedi. Gwnewch yn siŵr eich bod yn archebu o flaen llaw gan fod llai o leoedd ar gael heddiw.
O hufen iâ hyfryd a bwydydd pob ffres i fwyd môr lleol a llysiau blasus – mae llawer o’n busnesau’n defnyddio cynnyrch a blasau lleol ac maent yn awyddus i’ch croesawu am ginio, cinio gyda’r hwyr neu baned a darn o deisen dymunol!
Dyma’r tri cham i nefoedd Gŵyl y Banc – gwnewch yn siŵr eich bod yn cynllunio ac yn archebu’ch llety, eich prydau a’ch gweithgareddau cyn i chi agor y drws ffrynt – YNA gallwch fynd yn eich car! Y stop nesaf, Bae Abertawe!
