Eleni, cynigir llu o ddigwyddiadau byw. Cerddoriaeth fyw, comedi fyw, styntiau byw a dramâu byw – rydym wedi meddwl am bopeth! Mae cynifer o bethau i ddewis ohonynt, ond rydym wedi creu rhestr o’r pum digwyddiad na ellir eu colli i roi rhagflas i chi o’r hyn sydd i’w ddisgwyl. Y peth gorau? Maen nhw i gyd yn cael eu cynnal yng nghanol ein dinas, ac mae pob lleoliad ar garreg drws glannau hyfryd Bae Abertawe (a rhai yn y bae ei hun), felly beth am drefnu i aros dros nos a gwneud penwythnos ohoni? Ac, wrth gwrs, bydd popeth yn fyw?!
Mae y Penwythnos Mwyaf gan Radio One yn dod i Barc Singleton ar 26 a 27 Mai a’r prif berfformwyr fydd y cantorion gwych, Ed Sheeran a Taylor Swift. Ceir perfformiadau gan Niall Horan, Years and Years, Jess Glynne, Craig David, James Bay, Wolf Alice, J Hus a mwy. Ni allwn aros!
MaeNow the Hero yn berfformiad mawr, epig ar safle penodol sy’n plethu straeon am wrthdaro drwy ymosodiad milwrol, parti priodas aflafar, dawns brotest a gwylnos hynafol. Bydd y profiad theatrig hwn yn mynd â chynulleidfaoedd ar daith ryfeddol drwy dri naratif rhyfel; o draeth hardd Bae Abertawe i ddarganfod trysorau artistig yn Neuadd Brangwyn eiconig y ddinas.
Anghofiwch am yr Hammersmith Apollo – bydd Sarah Millican (31 Mai), Russell Brand (10 Gorffennaf), Jason Manford (13 – 14 Gorffennaf), Joe Lycett (17 Gorffennaf), Ross Noble (18 Medi) a Dara O’Briain (15 Hydref) yn troedio llwyfan Theatr y Grand Abertawe yn 2018.
Arddangosiadau erobateg gwefreiddiol ac awyrennau hen a chyfoes – mae Sioe Awyr Cymru yn un o’n digwyddiadau mwyaf poblogaidd (oes hawl gennym i gael ffefryn?) ac mae’n dychwelyd i Fae Abertawe rhwng 30 Mehefin a 1 Gorffennaf. Cadwch lygad am y rhestr anhygoel!
Rydym mor gyffrous i groesawu The Man Engine i Fae Abertawe. Dewch i’w weld yn casglu mwyn copr o Amgueddfa Genedlaethol y Glannau cyn cerdded drwy ganol y ddinas i Waith Copr yr Hafod-Morfa, lle ceir sioe llawn tân a goleuadau gyda’r hwyr. Mae’n rhaid ei weld er mwyn ei gredu!