Yn anffodus, mae gwyliau’r haf ar ben am flwyddyn arall, ond nid yw hynny’n golygu bod yn rhaid i’r hwyl orffen – mae’n rhaid gwneud y mwyaf o benwythnosau, dyna’i gyd! Rydym wedi llunio rhestr o syniadau i’ch helpu chi i fanteisio i’r eithaf ar eich amser hamdden gwerthfawr gyda’ch teulu a’ch ffrindiau.
Ydy’ch teulu chi’n barod am antur ganoloesol neu a yw’n well gennych benwythnos cyffyrddus llawn bwydydd y byd? Gallwch wneud y pethau hyn a mwy – dewiswch a chyfunwch eich ffefrynnau o’n hawgrymiadau isod a lluniwch eich Cynllun Pencampwr y Penwythnos er mwyn cael y penwythnos gorau erioed!
Byw Chwedlau
- Datgelwch eich rhyfelwr mewnol yn Perriswood. Cewch gyfle i gwrdd ag adar ysglyfaethus bendigedig ac ymarfer bwrw’r targed drwy roi cynnig ar saethyddiaeth.
- Fferm Clun – datblygwch eich sgiliau marchogaeth yn Fferm y Clun a rhowch gynnig ar y cwrs ymosod. Yn ôl y sôn, dyma’r cwrs mwyaf mwdlyd erioed!
- Dihangwch ‘r 21ain ganrif am brynhawn ac ewch yn ôl mewn amser i archwilio un o’n cestyll canoloesol – Castell Ystumllwynarth, Castell Weble a Chastell Oxwich.
- Bydd y plantos yn ar y sesiwn gydganu Beauty and the Beast yn Theatr y Grand, Abertawe.
- Gweithiwch fel tîm a byddwch yn barod am frwydr wrth gael hwyl gydag ychydig o bledu paent yn Teamforce.
- Go Ape – mae angen i dywysogesau allu dringo allan o dyrau a dianc oddi wrth ddreigiau ac mae angen i farchogion aros yn effro ar faes y gad. Bydd y rhaffau, yr ysgolion a’r gwifrau sip yn sicrhau y byddwch yn barod am bopeth!
Byddwch yn un o Arglwyddi’r Gororau (am y penwythnos, ta beth!)
Gadawodd Arglwyddi Normanaidd Penrhyn Gŵyr eu holion ar y gymdogaeth gyda’u cestyll a’u harferion. Er nad oeddent yn boblogaidd iawn amser maith yn ôl, heddiw mae eu cestyll yn lleoedd gwych i ymweld â nhw wrth i chi gerdded ar draws cefn gwlad bendigedig Penrhyn Gŵyr (gallwch ddarllen am ein lleoedd chwedlonol yma).
Dinas Diwylliant 2021 (gobeithio!)
Wrth i gais Abertawe i fod yn Ddinas Diwylliant y DU 2021 fynd rhagddo o ddifri, nid oes amser gwell i ymweld â’r ardal. O’r amrywiaeth ddifyr o ddigwyddiadau a gweithgareddau i’n lleoliadau a’n hatyniadau eiconig, dyma Abertawe Ddiwylliannol. Dyma rai awgrymiadau:
Hwyl gyda bwyd – mae angen bwydo pob byddin (a theulu!)
Tapas ger y glannau, pysgodyn y dydd yn ffres o’r cwch yn y Mwmbwls, te prynhawn yng ngogoniant Penrhyn Gŵyr – nid oes llawer o leoliadau sy’n gallu cynnig detholiad mor amrywiol o fwyd a diod na Bae Abertawe. Dyma rai o’n ffefrynnau i gyd-fynd â’n gweithgareddau Pencampwyr y Penwythnos.
- Mae ein traethau ymysg goreuon Cymru a’r DU ac maent yn cynrychioli rhan bwysig o ddiwylliant Abertawe, a beth sy’n well na phryd o fwyd neu ddiod ar lan y môr? Gallwch ddewis o’r Beach House, y Clogwyn neu The Cliff.
- Mwynhewch ein diwylliant coffi yn Coast Café y Glynn Vivian neu Verdi’s yn y Mwmbwls.
- Ewch i fwynhau te prynhawn yng Ngwesty Bae Oxwich, Welcome to Town a Fairyhill.
- Calon ein diwylliant bwyd yw Marchnad Abertawe. Dyma farchnad dan do fwyaf Cymru a’r unig le lle gallwch fwynhau ein cynnyrch lleol enwog megis cocos, bara lawr, oen Penrhyn Gŵyr a phice ar y maen.
- Gallwch fwynhau bwydydd y byd mewn un lle – Bistrot Pierre, Rose Indienne, Mumtaz, Railway Thai Table, Bay View, a Swigg
- Cwtshwch lan mewn tafarn gartrefol – King Arthur, Kings Head, Greyhound, Ship, Westbourne.
Cast ynteu Ceiniog
Dewch â’ch coes ysgub, paentiwch eich wyneb a rhowch eich dannedd fampir i mewn ar gyfer hwyl fwganllyd un o’n digwyddiadau Calan Gaeaf gwych.
- Cofrestrwch yn Ysgol yr Ysbrydion fel rhan o wythnos hwyl hanner tymor Canolfan Treftadaeth Gŵyr ar thema Calan Gaeaf.
- Treuliwch nos Galan Gaeaf yn un o fannau mwyaf bwganllyd Penrhyn Gŵyr gyda disgo a dawnsio dychrynllyd, cystadlaethau gwisg ffansi, cerfio pwmpenni, dowcio am afalau a llawer mwy!
- Pawb ar y Trên Bwganod Nos Galan Gaeaf o Erddi Southend
- Byddwch yn barod am fraw yn Noson Bwci Bo Plantasia
- Bydd Abertawe yn llawn digwyddiadau goruwchnaturiol yn ystod wythnos Ysbrydion yn y Ddinas
