Hill House Llanrhidian

Diolch am eich diddordeb mewn aros yn Hill House. Os nad ydych yn gallu dod o hyd i'r wybodaeth y mae ei hangen arnoch ar y tudalennau hyn neu ar ein gwefan, cysylltwch â ni i drafod eich gofynion.

Gyda'i bedair ystafell wely, dwy ystafell ymolchi, dwy ystafell fyw a chegin fawr ar ffurf ffermdy sy'n llawn cyfarpar, mae Hill House yn darparu llety cyfforddus ar gyfer gwyliau teuluol ym Mhenrhyn Gŵyr. Mae llawer o'n hymwelwyr yn grwpiau mawr o deuluoedd ac mae'r cyfuniad o ystafell wely ar y llawr cyntaf â thoiled a chawod gerllaw yn addas ar gyfer neiniau a theidiau â man broblemau symudedd. Mae dwy ystafell wely ddwbl, un ystafell â thri gwely sengl a phâr o welyau ar y llawr cyntaf.

Rydym yn cynnig llety i anifeiliaid anwes ac yn hapus i gynnig llety i fwy nag un anifail anwes drwy drefniant ymlaen llaw.

Mae lleoliad gwledig Hill House ar arfordir gogledd Gŵyr yn darparu golygfeydd panoramig o'r foryd ar draws tir ffermio agored a morfeydd heli Moryd Llwchwr a Moryd Burry. Mae'r teras sy'n wynebu tuag at y de sydd â chyfleusterau barbeciw yn darparu man gwych i wylio machlud haul godidog. Lawnt yn bennaf yw'r gerddi ac mae'n addas ar gyfer gemau pêl a raced. Mae'r dreif yn darparu digonedd o leoedd parcio oddi ar y stryd ar gyfer sawl car ac ôl-gerbydau bagiau.

Llanrhidian yw un o bentrefi hynaf y penrhyn ac mae'n dawel iawn gyda bron dim traffig yn gyrru trwyddo. Mae'r llwybr cerdded arfordirol yn mynd drwy'r pentref ac ar hyd y lôn sy'n rhedeg gerllaw Hill House. Mae llawer o lwybrau cerdded eraill yn mynd drwy'r pentref y gellir eu defnyddio ar gyfer mynd am dro bach neu am deithiau cerdded hwy.

Mae Llanrhidian a Hill House yn arbennig yn lleoliad delfrydol ar gyfer archwilio ardal penrhyn Gŵyr a Bae Abertawe. Gellir cyrraedd y mwyafrif o'r atyniadau (traethau, cyrsiau golff, bwytai, safleoedd treftadaeth etc)yn hawdd ar droed neu ar feic.