Dewch i brofi Taith Diwrnod Llawn i AoHNE gyntaf Prydain wrth i ni eich tywys ar daith syfrdanol sy'n tynnu sylw at y cyfan sydd gan Fro Gŵyr i'w gynnig.
Byddwn yn mynd â chi ar antur anhygoel ar hyd arfordir bro Gŵyr sy'n ymestyn dros 19 milltir, gan ddangos rhai o'i thrysorau mwyaf gwerthfawr i chi. Mae’r rhain yn cynnwys 6 milltir o draethau baner las arobryn, golygfeydd trawiadol o ben clogwyni a thirnodau sy'n enwog ym mhedwar ban byd. Wrth deithio drwy bentrefi hardd a lonydd gwledig tawel bro Gŵyr, byddwn yn dangos golygfeydd bythgofiadwy i chi.
Ein nod yw cynnig profiad o'r radd flaenaf i bobl sy'n ymweld â'r ardal, ac yn enwedig penrhyn Gŵyr. Mae cynifer o olygfeydd trawiadol ym mro Gŵyr a'r cyffiniau, ond nid yw ymwelwyr naill ai'n cael cyfle i'w gweld i gyd, neu nid oes ganddynt ddigon o amser yma i ymweld â phob un ohonynt.
Trwy ddefnyddio Gower Tours, caiff ymwelwyr â'r ardal y cyfle i ymweld â'r holl fannau ym mhenrhyn Gŵyr y mae'n rhaid eu gweld mewn diwrnod, ond yn ogystal, bydd ein tywyswyr lleol yn trosglwyddo'u holl brofiadau a gwybodaeth leol fel eich bod yn teimlo'n rhan o'n treftadaeth erbyn diwedd y diwrnod!
Rydym yn cynnig amrywiaeth o deithiau sy'n addas ar gyfer pob math o ymwelydd â'r ardal - Taith Arfordirol, Taith Cestyll a Hanesyddol, Taith Machlud a Thaith Fechan.
Mae ein prisiau’n dechrau o £18 am Daith Fechan i £38 am brofiad diwrnod llawn gyda Gower Tours.
"Mae gennym gryn frwdfrydedd a gwybodaeth am y penrhyn y mae ganddo gymaint o harddwch naturiol i'w gynnig a hoffem rannu hyn â chi drwy Gower Tours".
"Mae rheswm pam y dynodwyd bro Gŵyr yn AoHNE gyntaf y DU tua 60 mlynedd yn ôl bellach!" "Mae'r machlud hudol dros Ben Pyrod yn brofiad a fydd yn aros gyda chi am byth"
Teithio i Feysydd Awyr a Llogi Preifat
Rydym hefyd ar gael ar gyfer llogi preifat dethol a theithio i feysydd awyr ar gais.